Angliya terma jamoasining sobiq futbolchisi, hozirda «Inter Mayami» klubi prezidenti lavozimida faoliyat yuritayotgan Devid Bekxem tog‘lardagi ta’tili qanday o‘tayotganini namoyish etdi.
«Har yili men tog‘larda 4 kun o‘tkazishga harakat qilaman. Kanadadagi Ferni — mening eng sevimli maskanlarimdan biri», — deb yozdi Bekxem ijtimoiy tarmoqlardagi sahifasida.
Angliyalik yulduz ta’tildan olingan bir qator fotosuratlar va videolarni joylashtirdi. U o‘g‘li Romeo bilan birgalikda snoubord uchgan.
«Inter Mayami» MLSdagi navbatdagi o‘yinini 22 mart kuni o‘tkazadi. Jamoa safarda «Nyu-York Siti» klubi bilan to‘qnash keladi.
