Англия терма жамоасининг собиқ футболчиси, ҳозирда «Интер Майами» клуби президенти лавозимида фаолият юритаётган Дэвид Бекхэм тоғлардаги таътили қандай ўтаётганини намойиш этди.
«Ҳар йили мен тоғларда 4 кун ўтказишга ҳаракат қиламан. Канададаги Ферни — менинг энг севимли масканларимдан бири», — деб ёзди Бекхэм ижтимоий тармоқлардаги саҳифасида.
Англиялик юлдуз таътилдан олинган бир қатор фотосуратлар ва видеоларни жойлаштирди. У ўғли Ромео билан биргаликда сноуборд учган.
«Интер Майами» МЛСдаги навбатдаги ўйинини 22 март куни ўтказади. Жамоа сафарда «Нью-Йорк Сити» клуби билан тўқнаш келади.
