«Budyo-Glimt» bosh murabbiyi Kyetil Knutsen Chempionlar Ligasi 1/8 finali doirasida «Sporting»ga qarshi bo‘lib o‘tadigan javob uchrashuvi oldidan o‘z kutilmalari bilan o‘rtoqlashdi.
Dastlabki to‘qnashuv Norvegiya klubining g‘alabasi bilan yakunlangan edi (3:0). Javob o‘yini bugun, 17 mart kuni Lissabonda bo‘lib o‘tadi.
«Biz hech narsadan qo‘rqmaymiz. Bilamizki, «Sporting» o‘yinni juda yuqori tempda boshlaydi. Biroq menda zarracha qo‘rquv yo‘q. Bunday tarzda fikrlashni o‘zimga ep ko‘rmayman», — deya mutaxassisning so‘zlaridan iqtibos keltirmoqda UEFA matbuot xizmati.
Bundan tashqari, u o‘z futbolchilarini maydonda juda ko‘p yugurishga to‘g‘ri kelishidan ogohlantirdi, ammo jamoaning jismoniy holati a’lo darajada ekanini alohida qayd etdi.
