«Будё-Глимт» бош мураббийи Кьетил Кнутсен Чемпионлар Лигаси 1/8 финали доирасида «Спортинг»га қарши бўлиб ўтадиган жавоб учрашуви олдидан ўз кутилмалари билан ўртоқлашди.
Дастлабки тўқнашув Норвегия клубининг ғалабаси билан якунланган эди (3:0). Жавоб ўйини бугун, 17 март куни Лиссабонда бўлиб ўтади.
«Биз ҳеч нарсадан қўрқмаймиз. Биламизки, «Спортинг» ўйинни жуда юқори темпда бошлайди. Бироқ менда заррача қўрқув йўқ. Бундай тарзда фикрлашни ўзимга эп кўрмайман», — дея мутахассиснинг сўзларидан иқтибос келтирмоқда UEFA матбуот хизмати.
Бундан ташқари, у ўз футболчиларини майдонда жуда кўп югуришга тўғри келишидан огоҳлантирди, аммо жамоанинг жисмоний ҳолати аъло даражада эканини алоҳида қайд этди.
