Angliyaning «Brentford» klubi APL 30-turining yakuniy o‘yinida «Vulverxempton»ga qarshi bahsda g‘alabani saqlab qola olmadi, biroq braziliyalik Igor Tyago mavsumdagi o‘zining 19-golini urishga muvaffaq bo‘ldi. Natijada, klub tomonidan kiritilgan jami 46 ta golning naq 19 tasi aynan bir futbolchi — yuqorida zikr etilgan Igor Tyago hisobiga to‘g‘ri kelmoqda.
Foiz ko‘rsatkichida ifodalansa, bu futbolchi joriy mavsumda o‘z klubi gollarining 43% qismini urmoqda demakdir. Bu joriy chempionatdagi barcha APL o‘yinchilari va klublari orasidagi eng yuqori ko‘rsatkichdir.
Eslatib o‘tamiz, «Brentford» ayni damda APL turnir jadvalida yettinchi o‘rinni egallab turibdi.
