Англиянинг «Брентфорд» клуби АПЛ 30-турининг якуний ўйинида «Вулверхэмптон»га қарши баҳсда ғалабани сақлаб қола олмади, бироқ бразилиялик Игор Тьяго мавсумдаги ўзининг 19-голини уришга муваффақ бўлди. Натижада, клуб томонидан киритилган жами 46 та голнинг нақ 19 таси айнан бир футболчи — юқорида зикр этилган Игор Тьяго ҳисобига тўғри келмоқда.
Фоиз кўрсаткичида ифодаланса, бу футболчи жорий мавсумда ўз клуби голларининг 43% қисмини урмоқда демакдир. Бу жорий чемпионатдаги барча АПЛ ўйинчилари ва клублари орасидаги энг юқори кўрсаткичдир.
Эслатиб ўтамиз, «Брентфорд» айни дамда АПЛ турнир жадвалида еттинчи ўринни эгаллаб турибди.
