Angliyalik sobiq futbolchi Jeymi Karrager «Vulverxempton»ning turnir jadvalidagi o‘rni jamoaning asl kuchini aks ettirmasligiga ishonchi komil. Hozirda u jamoaning turnir jadvalidagi juda og‘ir ahvoliga qaramay, uni ligadagi eng kuchsiz jamoa deb hisoblab bo‘lmasligini ta’kidladi.

«Men bu haqda bir necha haftadan beri aytyapman — «Vulverxempton» ayni damda APLning eng zaif klubi emas. Ehtimol, odamlar turnir jadvalidagi o‘rniga qarab, ularga past baho berishga moyildirlar. Ammo bu xavfli bo‘lishi mumkin, chunki ular jadval ko‘rsatib turganidan ko‘ra yaxshiroq o‘yin namoyish etishmoqda», — deya sobiq futbolchining so‘zlarini keltirmoqda BBC.

Dushanba oqshomida «Vulverxempton» «Brentford» bilan bo‘lgan bahsda 2:2 hisobida durang o‘ynadi.