Англиялик собиқ футболчи Жейми Каррагер «Вулверхэмптон»нинг турнир жадвалидаги ўрни жамоанинг асл кучини акс эттирмаслигига ишончи комил. Ҳозирда у жамоанинг турнир жадвалидаги жуда оғир аҳволига қарамай, уни лигадаги энг кучсиз жамоа деб ҳисоблаб бўлмаслигини таъкидлади.
«Мен бу ҳақда бир неча ҳафтадан бери айтяпман — «Вулверхэмптон» айни дамда АПЛнинг энг заиф клуби эмас. Эҳтимол, одамлар турнир жадвалидаги ўрнига қараб, уларга паст баҳо беришга мойилдирлар. Аммо бу хавфли бўлиши мумкин, чунки улар жадвал кўрсатиб турганидан кўра яхшироқ ўйин намойиш этишмоқда», — дея собиқ футболчининг сўзларини келтирмоқда BBC.
Душанба оқшомида «Вулверхэмптон» «Брентфорд» билан бўлган баҳсда 2:2 ҳисобида дуранг ўйнади.
