Madridning «Real» klubi bosh murabbiyi Alvaro Arbeloa dushanba kungi matbuot anjumanida o‘z kelajagi haqidagi savolga javob berdi.
«Bu hozir men o‘ylayotgan eng oxirgi narsa. Bu masala meni tashvishga solmayapti. Eng muhimi — ertangi (bugungi) uchrashuv klub muxlislarini ilhomlantirishda davom etishi kerak. Men bu yerda qancha kerak bo‘lsa, shuncha qolaman va oxirgi kunimgacha baxtli bo‘laman», — dedi Arbeloa jurnalistlarga.
Ma’lumki, Alvaro Arbeloa Xabi Alonso iste’foga chiqarilganidan so‘ng, yanvar oyida «Real» boshqaruvini qo‘lga olgan edi. Vaqti-vaqti bilan madridliklar yozda jamoaga yanada nufuzliroq mutaxassisni tayinlamoqchi ekanligi haqida mish-mishlar tarqalmoqda.













