Мадриднинг «Реал» клуби бош мураббийи Альваро Арбелоа душанба кунги матбуот анжуманида ўз келажаги ҳақидаги саволга жавоб берди.
«Бу ҳозир мен ўйлаётган энг охирги нарса. Бу масала мени ташвишга солмаяпти. Энг муҳими — эртанги (бугунги) учрашув клуб мухлисларини илҳомлантиришда давом этиши керак. Мен бу ерда қанча керак бўлса, шунча қоламан ва охирги кунимгача бахтли бўламан», — деди Арбелоа журналистларга.
Маълумки, Альваро Арбелоа Хаби Алонсо истеъфога чиқарилганидан сўнг, январь ойида «Реал» бошқарувини қўлга олган эди. Вақти-вақти билан мадридликлар ёзда жамоага янада нуфузлироқ мутахассисни тайинламоқчи эканлиги ҳақида миш-мишлар тарқалмоқда.
