Madridning «Real» klubi bosh murabbiyi Alvaro Arbeloa Chempionlar Ligasi 1/8 finali doirasida «Manchester Siti»ga qarshi bo‘lib o‘tadigan javob uchrashuvi oldidan o‘z fikrlarini bildirdi.
«Men birinchi o‘yindagi kabi «Real»ni ko‘rishni istayman. Maqsadimiz — maydonga tushib, o‘sha kamtarlik va o‘sha darajadagi fidoyilik bilan harakat qilish. Biz borimizdan ham ko‘prog‘ini berishimiz kerak, chunki oson bo‘lmaydi. Kamtarlik va ambisiya — ertangi bahsda namoyish etishimiz lozim bo‘lgan asosiy jihatlardir.
Biz ertangi o‘yinning naqadar murakkabligini va raqibning kuchini yaxshi anglab turibmiz. Agar keyingi bosqichga chiqishni istasak, birinchi uchrashuvdagi kabi yuqori darajada, hatto undan ham a’loroq o‘yin ko‘rsatishimiz lozim», — dedi Arbeloa jurnalistlarga.
