Мадриднинг «Реал» клуби бош мураббийи Альваро Арбелоа Чемпионлар Лигаси 1/8 финали доирасида «Манчестер Сити»га қарши бўлиб ўтадиган жавоб учрашуви олдидан ўз фикрларини билдирди.
«Мен биринчи ўйиндаги каби «Реал»ни кўришни истайман. Мақсадимиз — майдонга тушиб, ўша камтарлик ва ўша даражадаги фидойилик билан ҳаракат қилиш. Биз боримиздан ҳам кўпроғини беришимиз керак, чунки осон бўлмайди. Камтарлик ва амбиция — эртанги баҳсда намойиш этишимиз лозим бўлган асосий жиҳатлардир.
Биз эртанги ўйиннинг нақадар мураккаблигини ва рақибнинг кучини яхши англаб турибмиз. Агар кейинги босқичга чиқишни истасак, биринчи учрашувдаги каби юқори даражада, ҳатто ундан ҳам аълороқ ўйин кўрсатишимиз лозим», — деди Арбелоа журналистларга.
