«Aston Villa»ning hujumkor yarim himoyachisi Morgan Rodjers joriy mavsum yakunida jamoani tark etishi mumkin. Bu haqda talkSPORT nashri xabar bermoqda.
Manba bergan ma’lumotlarga ko‘ra, agar «Aston Villa» kelgusi mavsum uchun Chempionlar Ligasi yo‘llanmasini qo‘lga kirita olmasa, 23 yoshli futbolchi klubdan ketish variantini ko‘rib chiqishi mumkin.
Rojers 2024 yilning fevralidan beri «Aston Villa» sharafini himoya qilib kelmoqda. Joriy mavsumda yarim himoyachi barcha musobaqalarni inobatga olgan holda 42 ta o‘yinda ishtirok etdi, 10 ta gol urdi va 7 ta golli uzatmani o‘z hisobiga yozdirib qo‘ydi.
Rodjersning klub bilan amaldagi shartnomasi 2031 yilgacha mo‘ljallangan. Transfermarkt portali ma’lumotlariga ko‘ra, futbolchining hozirgi bozor qiymati 80 million yevroni tashkil etadi.
