"Manchester Siti"ning sobiq futbolchisi Kayl Uoker 2023 yilgi Chempionlar Ligasi finalida asosiy tarkibga kiritilmaganini yodga oldi. O‘shanda Uoker o‘yin yakunlanishiga yaqin — 82-daqiqada zaxiradan maydonga tushgan edi.
"Gvardiola nega meni tarkibdan tashqarida qoldirganini tushuntirgandi. U meni chetga oldi va to‘rtta himoyachidan foydalanmoqchi bo‘lgani uchun o‘ynamasligimni aytdi. Men buni tushundim, lekin u mendan kiyinish xonasida nutq so‘zlashimni iltimos qildi. Nazarimda, u bu ishim yigitlarni ruhlantiradi deb o‘ylagan", — deya Uokerning so‘zlarini keltiradi The Touchline.
2022/2023 yilgi mavsum Chempionlar Ligasi finalida "Manchester Siti" "Inter"ni 1:0 hisobida mag‘lub etgan edi.













