"Манчестер Сити"нинг собиқ футболчиси Кайл Уокер 2023 йилги Чемпионлар Лигаси финалида асосий таркибга киритилмаганини ёдга олди. Ўшанда Уокер ўйин якунланишига яқин — 82-дақиқада захирадан майдонга тушган эди.
"Гвардиола нега мени таркибдан ташқарида қолдирганини тушунтирганди. У мени четга олди ва тўртта ҳимоячидан фойдаланмоқчи бўлгани учун ўйнамаслигимни айтди. Мен буни тушундим, лекин у мендан кийиниш хонасида нутқ сўзлашимни илтимос қилди. Назаримда, у бу ишим йигитларни руҳлантиради деб ўйлаган", — дея Уокернинг сўзларини келтиради The Touchline.
2022/2023 йилги мавсум Чемпионлар Лигаси финалида "Манчестер Сити" "Интер"ни 1:0 ҳисобида мағлуб этган эди.
