"Manchester Siti" hujumchisi Erling Xoland "Barselona"ga o‘tmaydi.

Barca Universal nashrining xabariga ko‘ra, Joan Laporta kataloniyaliklar klubi prezidenti lavozimiga qayta saylangach, norvegiyalik forvardni sotib olish imkoniyati butunlay istisno qilindi. Xolandni sotib olish va’dasi Laporta uchun agar u prezidentlik poygasida ortda qola boshlasa, qo‘llaniladigan "B rejasi" edi. Joan bu kabi transfer "ko‘k-anorranglilar"ning moliyaviy holatiga salbiy ta’sir qilishini va klubning hozirgi muvaffaqiyatlarini hisobga olsak, bunga zarurat yo‘qligini yaxshi tushunib turibdi.

Joriy mavsumda Erling Xoland "Manchester Siti" safida barcha turnirlarda 41 ta o‘yin o‘tkazib, 29 ta gol urdi va 7 ta golli uzatmani amalga oshirdi. Uning "shaharliklar" bilan shartnomasi 2034 yilning 30 iyuniga qadar mo‘ljallangan.