"Манчестер Сити" ҳужумчиси Эрлинг Холанд "Барселона"га ўтмайди.
Barca Universal нашрининг хабарига кўра, Жоан Лапорта каталонияликлар клуби президенти лавозимига қайта сайлангач, норвегиялик форвардни сотиб олиш имконияти бутунлай истисно қилинди. Холандни сотиб олиш ваъдаси Лапорта учун агар у президентлик пойгасида ортда қола бошласа, қўлланиладиган "Б режаси" эди. Жоан бу каби трансфер "кўк-анорранглилар"нинг молиявий ҳолатига салбий таъсир қилишини ва клубнинг ҳозирги муваффақиятларини ҳисобга олсак, бунга зарурат йўқлигини яхши тушуниб турибди.
Жорий мавсумда Эрлинг Холанд "Манчестер Сити" сафида барча турнирларда 41 та ўйин ўтказиб, 29 та гол урди ва 7 та голли узатмани амалга оширди. Унинг "шаҳарликлар" билан шартномаси 2034 йилнинг 30 июнига қадар мўлжалланган.
