Angliyaning «Chelsi» klubi tarkibi Chempionlar Ligasi doirasidagi «PSJ»ga qarshi o‘yin oldidan belgilangan vaqtdan oldin ochiq manbalarda paydo bo‘ldi. The Mirror nashrining xabar berishicha, bu bir hafta ichida yuz bergan ikkinchi shunday holatdir.
Ushbu voqea fonida nashr Alexandro Garnacho bilan bog‘liq eski voqeani yodga oldi. «Ko‘klar»ning argentinalik yarim himoyachisi hali «Manchester Yunayted»da to‘p surib yurgan kezlarida, uning manziliga tarkib haqidagi ma’lumotlarni oshkor qilish bo‘yicha ayblovlar yangragan edi. O‘shanda shubha ostidagilar ro‘yxatida Garnachodan tashqari uning jamoadoshi Amad Diallo ham bor edi. Yakunda «MYU» ularning aybdor ekaniga oid hech qanday dalil topmagan.
Qayd etilishicha, hozirgi holatda ham Garnachoga qarshi hech qanday dalil mavjud emas. Klub surishtiruv ishlarini davom ettirmoqda.
