Англиянинг «Челси» клуби таркиби Чемпионлар Лигаси доирасидаги «ПСЖ»га қарши ўйин олдидан белгиланган вақтдан олдин очиқ манбаларда пайдо бўлди. The Mirror нашрининг хабар беришича, бу бир ҳафта ичида юз берган иккинчи шундай ҳолатдир.
Ушбу воқеа фонида нашр Алехандро Гарначо билан боғлиқ эски воқеани ёдга олди. «Кўклар»нинг аргентиналик ярим ҳимоячиси ҳали «Манчестер Юнайтед»да тўп суриб юрган кезларида, унинг манзилига таркиб ҳақидаги маълумотларни ошкор қилиш бўйича айбловлар янграган эди. Ўшанда шубҳа остидагилар рўйхатида Гарначодан ташқари унинг жамоадоши Амад Диалло ҳам бор эди. Якунда «МЮ» уларнинг айбдор эканига оид ҳеч қандай далил топмаган.
Қайд этилишича, ҳозирги ҳолатда ҳам Гарначога қарши ҳеч қандай далил мавжуд эмас. Клуб суриштирув ишларини давом эттирмоқда.
