«Manchester Siti» hujumchisi Erling Xoland Chempionlar ligasi 1/8 finali doirasidagi «Real»ga qarshi javob o‘yinida hisobni tenglashtirdi (1:1, tanaffus).
Norvegiyalik futbolchi uchrashuvning 41-daqiqasida o‘z nomini tabloga yozdirib qo‘ydi. Bu uning 11 fevraldan buyon urgan ilk goli bo‘ldi — o‘shanda Xoland APLda «Fulxem» darvozasini ishg‘ol qilgan, shundan so‘ng qatorasiga 4 ta o‘yinda maydonni golsiz tark etgan edi.
Joriy mavsumda Xoland hisobida 48 ta o‘yinda 43 ta gol mavjud: 30 tasi klub safida, 13 tasi esa Norvegiya terma jamoasida kiritilgan.
Chempionlar ligasining ushbu mavsumida Erling hozirgacha 8 ta gol urdi.
