«Real» vingeri Vinisius Junior «Manchester Siti»ga qarshi o‘yinlardagi o‘zining 7 va 8-samarali harakatlarini qayd etdi.

Braziliyalik futbolchi Chempionlar ligasi 1/8 finalining javob uchrashuvida, 22-daqiqada penaltini aniq amalga oshirdi. Uchrashuv yakunida esa o‘yindan gol urdi.

Vinisius Chempionlar ligasi doirasida «Manchester Siti»ga qarshi bahslarda shu kungacha 4 ta gol urdi va 4 ta golli uzatmani amalga oshirdi. Braziliyalik yulduz mazkur turnir doirasida «shaharliklar»dan tashqari yana «Liverpul» (5 ta gol, 2 ta assist) va «Shaxtyor» (4 ta gol, 3 ta assist) jamoalariga qarshi o‘yinlarda ham eng ko‘p (7 tadan) samarali harakatlarni amalga oshirgan.