"Barselona" rahbari Joan Laporta jamoaning sobiq murabbiyi Xavi Ernandesning fikrlaridan hafsalasi pir bo‘lganini tan oldi.
Ispaniyalik mutaxassis Kataloniya klubidagi prezidentlik saylovlariga bir necha kun qolganida ochiqchasiga intervyu bergan edi. Unda mutaxassis, jumladan, Laportani Lionel Messining qaytishini yo‘qqa chiqarganlikda va yolg‘on bayonotlar berganlikda aybladi.
"Xavining intervyusidagi so‘zlar menga og‘ir botdi, lekin ular saylov natijalariga qandaydir ta’sir ko‘rsatdi deb o‘ylamayman", — deya Laportaning so‘zlarini keltiradi Barca Universal.
Ma’lumki, Xavi Joan Laportaning prezidentlik poygasidagi yagona raqibi bo‘lgan Viktor Fontning tarafdori hisoblanadi.
