"Барселона" раҳбари Жоан Лапорта жамоанинг собиқ мураббийи Хави Эрнандеснинг фикрларидан ҳафсаласи пир бўлганини тан олди.
Испаниялик мутахассис Каталония клубидаги президентлик сайловларига бир неча кун қолганида очиқчасига интервью берган эди. Унда мутахассис, жумладан, Лапортани Лионель Мессининг қайтишини йўққа чиқарганликда ва ёлғон баёнотлар берганликда айблади.
"Хавининг интервьюсидаги сўзлар менга оғир ботди, лекин улар сайлов натижаларига қандайдир таъсир кўрсатди деб ўйламайман", — дея Лапортанинг сўзларини келтиради Barca Universal.
Маълумки, Хави Жоан Лапортанинг президентлик пойгасидаги ягона рақиби бўлган Виктор Фонтнинг тарафдори ҳисобланади.
