«Bavariya»ning 18 yoshli hujumkor yarim himoyachisi Lennart Karl faoliyatida ilk bor Germaniya milliy terma jamoasidan chaqiruv oladi. Bild nashri xabariga ko‘ra, Bundestim bosh murabbiyi Yulian Nagelsmann Karlni jamoaning navbatdagi yig‘iniga jalb etadi.
Shu oyda Jahon chempionati — 2026 ga tayyorgarlik doirasida Germaniya terma jamoasi Shveysariya (27 mart) va Gana (30 mart) terma jamoalariga qarshi o‘rtoqlik uchrashuvlarini o‘tkazadi.
2025/2026 yilgi mavsumda Lennart Karl «Bavariya» tarkibida 32 ta o‘yinda ishtirok etdi. Ushbu bahslarda yosh futbolchi 7 ta gol urdi va sheriklariga 5 ta golli uzatmani amalga oshirdi.
Bunga qadar Karl Germaniyaning turli yoshdagi o‘smirlar va yoshlar terma jamoalari sharafini himoya qilib kelayotgan edi.
