“Real Madrid” yulduzi Vinisius Junior Chempionlar Ligasi 1/8 finalidan o‘rin olgan “Manchester Siti”ga qarshi kechgan bahsdagi (2:1) provokasion goli nishonlanishi haqida gapirdi. 25 yoshli braziliyalik futbolchi uchrashuvdagi birinchi goldan so‘ng ko‘z yoshlarini artish (“yig‘layotgan bola”) ishorasini ko‘rsatgan edi.

“Futbolning go‘zalligi shundaki, u doim yangi imkoniyat taqdim etadi. O‘tgan safar bu yerga kelganimda, ortimdan ko‘p gapirishgan edi. Bugun esa bunga munosib javob qaytara oldim — gol urdim va uni o‘zim to‘g‘ri deb bilgan uslubda nishonladim. Har kim o‘zicha nishonlash huquqiga ega. Men buni “Siti” muxlislarini kamsitmagan holda amalga oshirdim, ularga hurmatim baland. Bu shunchaki o‘sha paytda hayolimga kelgan holat edi”, deya Vinisiusning so‘zlarini keltiradi CBS Sports Golazo nashri.

Eslatib o‘tamiz, “Real”ning Manchesterga o‘tgan safargi tashrifida mezbon muxlislar “Oltin to‘p” sohibi Rodri aks etgan va “Oasis” guruhining “Stop crying your heart out” (“Yuragingni ezib yig‘lashni bas qil”) qo‘shig‘idan iqtibos keltirilgan bannerlarni ko‘tarishgan edi. Bunga sabab Vinisius 2024-yilgi “Oltin to‘p” so‘rovnomasida Rodridan keyin ikkinchi o‘rinni egallagan edi. Ko‘pchilik o‘sha mavsum sovrinni braziliyalik futbolchi qo‘lga kiritishini