“Реал Мадрид” юлдузи Винисиус Жуниор Чемпионлар Лигаси 1/8 финалидан ўрин олган “Манчестер Сити”га қарши кечган баҳсдаги (2:1) провокацион голи нишонланиши ҳақида гапирди. 25 ёшли бразилиялик футболчи учрашувдаги биринчи голдан сўнг кўз ёшларини артиш (“йиғлаётган бола”) ишорасини кўрсатган эди.

“Футболнинг гўзаллиги шундаки, у доим янги имконият тақдим этади. Ўтган сафар бу ерга келганимда, ортимдан кўп гапиришган эди. Бугун эса бунга муносиб жавоб қайтара олдим — гол урдим ва уни ўзим тўғри деб билган услубда нишонладим. Ҳар ким ўзича нишонлаш ҳуқуқига эга. Мен буни “Сити” мухлисларини камситмаган ҳолда амалга оширдим, уларга ҳурматим баланд. Бу шунчаки ўша пайтда ҳаёлимга келган ҳолат эди”, дея Винисиуснинг сўзларини келтиради CBS Sports Golazo нашри.

Эслатиб ўтамиз, “Реал”нинг Манчестерга ўтган сафарги ташрифида мезбон мухлислар “Олтин тўп” соҳиби Родри акс этган ва “Оасис” гуруҳининг “Stop crying your heart out” (“Юрагингни эзиб йиғлашни бас қил”) қўшиғидан иқтибос келтирилган баннерларни кўтаришган эди. Бунга сабаб Винисиус 2024-йилги “Олтин тўп” сўровномасида Родридан кейин иккинчи ўринни эгаллаган эди. Кўпчилик ўша мавсум совринни бразилиялик футболчи қўлга киритишини