«Arsenal» o‘z tarkibida yarim himoyachi Deklan Raysni saqlab qolish niyatida.

Insayder Nikolo Skiraning ma’lumotlariga ko‘ra, London klubi futbolchi bilan 2030 yoki 2031 yilning yoziga qadar mo‘ljallangan yangi shartnoma imzolashga yaqin turibdi. Rays «Arsenal» loyihasiga to‘liq sodiq va uni Madridning «Real» hamda «Barselona» klublari tomonidan bo‘layotgan qiziqishlar haqidagi mish-mishlar tashvishga solmayapti.

Deklan Rays 2023 yilda «Vest Xem»dan «Arsenal»ga 116 million yevro evaziga o‘tgan edi. Uning «to‘pchilar» bilan amaldagi shartnomasi 2028 yilning 30 iyunigacha mo‘ljallangan. Joriy mavsumda yarim himoyachi London klubi safida barcha turnirlarda 43 ta o‘yinda maydonga tushib, beshta gol urdi va 11 ta golli uzatmani amalga oshirdi. Transfermarkt portali Raysning transfer qiymatini 120 million yevroga baholamoqda.