«Barselona» bosh murabbiyi Xansi Flik Chempionlar ligasi 1/8 finalining javob uchrashuvida «Nyukasl» ustidan qozonilgan g‘alabadan so‘ng (7:2, umumiy hisob – 8:3) jamoaning turnirdagi g‘oliblik imkoniyatlari haqidagi savolga javob berdi.
– Siz «Barselona»ni Chempionlar ligasi g‘olibligi uchun asosiy favoritlardan biri deb hisoblaysizmi?
– Keyingi bosqich juda qiyin bo‘ladi. Biz qadamma-qadam, o‘yindan o‘yinga oldinga intilishimiz kerak. O‘tgan mavsumda ham aynan shunday yo‘l tutgan edik va bu mavsumda ham shunga harakat qilamiz, – dedi Xansi Flik.
Musobaqaning chorak finalida «Barselona» Madridning «Atletiko» klubi bilan to‘qnash keladi.
