Fransiyaning «Lion» klubi ustozi Paulu Fonseka Yevropa Ligasi 1/8 finali doirasidagi javob bahsini o‘z maydonlarida o‘tkazish qanchalik muhim ekanini ta’kidladi. «Lion»ga Ispaniyaning «Selta» jamoasi raqiblik qilmoqda, ularning dastlabki to‘qnashuvi 1:1 hisobidagi durang bilan yakunlangan edi.
«Javob o‘yinini o‘z uyimizda o‘tkazishimiz biz uchun omaddir. Menimcha, barcha futbolchilar hozirgi vaziyatimizni va nima uchun kurashayotganimizni yaxshi anglab turishibdi. Pessimist bo‘lish uchun hech qanday sabab yo‘q», — deya Fonsekaning so‘zlaridan iqtibos keltirmoqda UYEFA rasmiy sayti.
Raqib mahorati haqida gapirar ekan, Fonseka «Selta»ning himoyasi kuchli ekanini va ularga qarshi bahsda bo‘sh hududlarni topish murakkab kechganini qayd etdi. «Selta»ning qarshi hujumlarda xavfli harakat qilishi «Lion»ni o‘yin davomida muvozanatni saqlash haqida o‘ylashga majbur qilmoqda.
Uchrashuvning start hushtagi Toshkent vaqti bilan soat 00:45 da yangraydi.
