Londonning «Tottenxem» klubi bosh murabbiyi Igor Tudorning kelajagi borasida yangi ma’lumotlar paydo bo‘ldi.

The Touchline nashri tarqatgan xabarga ko‘ra, «Tottenxem» Tudorni mavsum yakuniga qadar o‘z lavozimida qoldirish niyatida. So‘nggi haftalar davomida jamoa va murabbiylar shtabi bir nechta favqulodda yig‘ilishlar o‘tkazdi, buning natijasida jamoa ichidagi o‘zaro tushunish darajasi yaxshilandi.

Manbaning ta’kidlashicha, «shporlar» Premyer-ligadan tushib ketmasliklariga va elitada o‘z o‘rinlarini saqlab qolishlariga deyarli ishonmoqdalar.

30-turdan so‘ng «Tottenxem» APL turnir jadvalida 30 ochko bilan 16-o‘rinni egallab turibdi. Xavfli hudud bilan oradagi farq esa atigi bir ochkoni tashkil qilmoqda.

Navbatdagi turda Tudor shogirdlari o‘z maydonlarida «Nottingem Forest»ni qabul qilishadi. Ushbu muhim bahs 22 mart kuniga belgilangan.