Лондоннинг «Тоттенхэм» клуби бош мураббийи Игор Тудорнинг келажаги борасида янги маълумотлар пайдо бўлди.

The Touchline нашри тарқатган хабарга кўра, «Тоттенхэм» Тудорни мавсум якунига қадар ўз лавозимида қолдириш ниятида. Сўнгги ҳафталар давомида жамоа ва мураббийлар штаби бир нечта фавқулодда йиғилишлар ўтказди, бунинг натижасида жамоа ичидаги ўзаро тушуниш даражаси яхшиланди.

Манбанинг таъкидлашича, «шпорлар» Премьер-лигадан тушиб кетмасликларига ва элитада ўз ўринларини сақлаб қолишларига деярли ишонмоқдалар.

30-турдан сўнг «Тоттенхэм» АПЛ турнир жадвалида 30 очко билан 16-ўринни эгаллаб турибди. Хавфли ҳудуд билан орадаги фарқ эса атиги бир очкони ташкил қилмоқда.

Навбатдаги турда Тудор шогирдлари ўз майдонларида «Ноттингем Форест»ни қабул қилишади. Ушбу муҳим баҳс 22 март кунига белгиланган.