«Nyukasl» darvozabon pozisiyasi uchun munosib nomzod topdi. Sky Sport xabariga ko‘ra, ingliz klubi «Lans» posboni Robin Risserni sotib olishga jiddiy qiziqish bildirmoqda.
Manba bergan ma’lumotlarga ko‘ra, «qarg‘alar» 21 yoshli golkiper bilan shaxsiy shartnoma borasida muzokaralarni boshlab yuborishgan. «Nyukasl» vakillari hozircha «Lans» rahbariyati bilan aloqaga chiqishgani yo‘q.
Qayd etilishicha, «Lans» o‘z darvozabonini yozgi transfer oynasida 30–40 million yevro evaziga qo‘yib yuborishga tayyor.
Robin Risser 2025 yilning yozidan buyon «Lans» sharafini himoya qilib kelmoqda. Joriy mavsumda fransiyalik golkiper 29 ta o‘yinda ishtirok etdi va ularning 11 tasida o‘z darvozasi daxlsizligini saqlab qoldi.
