«Ньюкасл» дарвозабон позицияси учун муносиб номзод топди. Sky Sport хабарига кўра, инглиз клуби «Ланс» посбони Робин Риссерни сотиб олишга жиддий қизиқиш билдирмоқда.
Манба берган маълумотларга кўра, «қарғалар» 21 ёшли голкипер билан шахсий шартнома борасида музокараларни бошлаб юборишган. «Ньюкасл» вакиллари ҳозирча «Ланс» раҳбарияти билан алоқага чиқишгани йўқ.
Қайд этилишича, «Ланс» ўз дарвозабонини ёзги трансфер ойнасида 30–40 миллион евро эвазига қўйиб юборишга тайёр.
Робин Риссер 2025 йилнинг ёзидан буён «Ланс» шарафини ҳимоя қилиб келмоқда. Жорий мавсумда франциялик голкипер 29 та ўйинда иштирок этди ва уларнинг 11 тасида ўз дарвозаси дахлсизлигини сақлаб қолди.
