Angliyaning «Nyukasl» klubi safidagi o‘yinda italiyalik yarim himoyachi Sandro Tonali olgan jarohat u qadar jiddiy emasligi ma’lum bo‘ldi — bu esa Jennaro Gattuzo unga tayana olishini anglatadi.
Italiya terma jamoasi ustozi o‘z jamoasini Jahon chempionatining final bosqichiga yo‘llanma beruvchi o‘tish o‘yinlariga tayyorlamoqda. Dastlab italiyaliklar to‘rt yil avvalgidek Shimoliy Makedoniya bilan emas, balki Shimoliy Irlandiya bilan kuch sinashishlariga to‘g‘ri keladi.
Umuman olganda, har qanday «shimoliy» jamoalar italiyaliklar uchun an’naviy tarzda noqulay raqib hisoblanadi — bunga misol sifatida ularning Shvesiyaga mag‘lub bo‘lib, 2018 yilgi Rossiyadagi Jahon chempionatidan chetda qolganini eslash kifoya.
