Англиянинг «Ньюкасл» клуби сафидаги ўйинда италиялик ярим ҳимоячи Сандро Тонали олган жароҳат у қадар жиддий эмаслиги маълум бўлди — бу эса Женнаро Гаттузо унга таяна олишини англатади.
Италия терма жамоаси устози ўз жамоасини Жаҳон чемпионатининг финал босқичига йўлланма берувчи ўтиш ўйинларига тайёрламоқда. Дастлаб италияликлар тўрт йил аввалгидек Шимолий Македония билан эмас, балки Шимолий Ирландия билан куч синашишларига тўғри келади.
Умуман олганда, ҳар қандай «шимолий» жамоалар италияликлар учун анънавий тарзда ноқулай рақиб ҳисобланади — бунга мисол сифатида уларнинг Швецияга мағлуб бўлиб, 2018 йилги Россиядаги Жаҳон чемпионатидан четда қолганини эслаш кифоя.
