«Bolonya» jamoasi Yevropa ligasi 1/8 finalining javob uchrashuvida rimliklarni 4:3 hisobida mag‘lub etib, «Roma»ni musobaqadan chiqarib yubordi. Shu tariqa, Vinchenso Italyano shogirdlari 21-asrda ilk bor Yevropa turnirining chorak finaliga yo‘l oldi.
Avvalroq «Bolonya» bilan bunday holat yuz bergan, biroq bu o‘tgan asrning 90-yillariga to‘g‘ri keladi. Dastlab, 1990/1991 yilgi mavsumda jamoa Avstriyaning «Admira-Vakker» klubidan o‘tgan, ammo keyinchalik Lissabonning «Sporting» jamoasiga imkoniyatni boy bergan edi.
Shundan so‘ng 1998/1999 yilgi mavsum bo‘lib o‘tgan — o‘shanda «Bolonya» hatto yarim finalgacha yetib borgan, biroq Fransiyaning «Marsel» klubiga mag‘lub bo‘lgan edi. «Marsel» esa o‘z navbatida finalda «Parma» tomonidan 0:3 hisobida tor-mor etilgan.
