Madridning «Real» klubi sobiq futbolchisi Guti «qaymoqranglilar» asosiy darvozaboni Tibo Kurtuaning jarohati haqida fikr bildirdi. Navbatdagi uchrashuvlarda belgiliyalik yulduz o‘rnini ukrainalik posbon Andrey Lunin egallaydi.
«Tibo — dunyoning eng yaxshi darvozaboni, ammo biz Luninga to‘liq ishonamiz. Kurtua tayyor bo‘lmagan vaqtlarda u o‘zini ajoyib tarzda ko‘rsata olgan», — deya sobiq futbolchining so‘zlarini keltiradi AS nashri.
Avvalroq matbuotda belgiliyalik posbon lazaretda taxminan bir yarim oy qolishi haqida ma’lumotlar paydo bo‘lgan edi.
Ispaniya chempionatida «Real» ikkinchi o‘rinda bormoqda. UYEFA Chempionlar ligasida esa «qaymoqranglilar» chorak finalga yo‘l olishdi va u yerda Myunxenning «Bavariya» klubi bilan to‘qnash kelishadi.
