Мадриднинг «Реал» клуби собиқ футболчиси Гути «қаймоқранглилар» асосий дарвозабони Тибо Куртуанинг жароҳати ҳақида фикр билдирди. Навбатдаги учрашувларда белгилиялик юлдуз ўрнини украиналик посбон Андрей Лунин эгаллайди.

«Тибо — дунёнинг энг яхши дарвозабони, аммо биз Лунинга тўлиқ ишонамиз. Куртуа тайёр бўлмаган вақтларда у ўзини ажойиб тарзда кўрсата олган», — дея собиқ футболчининг сўзларини келтиради AS нашри.

Аввалроқ матбуотда бельгилиялик посбон лазаретда тахминан бир ярим ой қолиши ҳақида маълумотлар пайдо бўлган эди.

Испания чемпионатида «Реал» иккинчи ўринда бормоқда. УЕФА Чемпионлар лигасида эса «қаймоқранглилар» чорак финалга йўл олишди ва у ерда Мюнхеннинг «Бавария» клуби билан тўқнаш келишади.