«Bavariya» hujumchisi Xarri Keyn bo‘lajak transfer oynasida «Barselona»ga o‘tmaydi.
«Ko‘k-anorranglilar» ingliz futbolchisini Robert Levandovskining potensial vorisi sifatida ko‘rishgan edi, biroq myunxenliklarning yulduzli forvardini taklif qilish rejalaridan voz kechishga majbur bo‘lishdi. Transfer News Live portalining El Nacional nashriga tayanib xabar berishicha, «Barselona» 32 yoshli futbolchining maoshini shunchaki ko‘tara olmaydi — hozirgi vaqtda u yiliga taxminan 30 million yevro maosh olmoqda.
Xarri Keynning «Bavariya» bilan shartnomasi 2027 yilgacha mo‘ljallangan, biroq uning uzaytirilish ehtimoli juda yuqori. Transfermarkt portalida futbolchining narxi 65 million yevro etib belgilangan.
