«Бавария» ҳужумчиси Харри Кейн бўлажак трансфер ойнасида «Барселона»га ўтмайди.
«Кўк-анорранглилар» инглиз футболчисини Роберт Левандовскининг потенциал вориси сифатида кўришган эди, бироқ мюнхенликларнинг юлдузли форвардини таклиф қилиш режаларидан воз кечишга мажбур бўлишди. Transfer News Live порталининг El Nacional нашрига таяниб хабар беришича, «Барселона» 32 ёшли футболчининг маошини шунчаки кўтара олмайди — ҳозирги вақтда у йилига тахминан 30 миллион евро маош олмоқда.
Харри Кейннинг «Бавария» билан шартномаси 2027 йилгача мўлжалланган, бироқ унинг узайтирилиш эҳтимоли жуда юқори. Transfermarkt порталида футболчининг нархи 65 миллион евро этиб белгиланган.
