Madridning «Real» klubi bosh murabbiyi Alvaro Arbeloa Kilian Mbappening jarohatdan keyingi qaytishiga izoh berdi va fransiyalik futbolchining to‘liq tiklanganligi haqida gapirib o‘tdi.
«Avval aytganimdek, u safga qaytganida 100 foiz tayyor bo‘ladi. Manchesterdagi o‘yinda u juda yaxshi sport formasida ekanligini isbotladi, uning o‘zini qanday his qilayotgani esa — eng muhimi. Biz unga to‘liq ishonamiz va kafolat bera olamiz, shuningdek, uning maydonga qaytishini intiqlik bilan kutmoqdamiz. Hozirgi vaqtda u 100 foiz tayyor holatda».
Shuni ham qo‘shimcha qilish kerakki, ertaga «qaymoqranglilar» La Liganing navbatdagi turi doirasida Madridning boshqa bir jamoasi — Diyego Simeone boshchiligidagi «Atletiko»ga qarshi maydonga tushadi. Shuningdek, aprel oyida «Real» Chempionlar ligasi chorak finalida Myunxenning «Bavariya» klubi bilan kuch sinashadi.
