Dortmundning «Borussiya» klubi va Sebastyan Kel o‘zaro kelishuvga asosan hamkorlikni to‘xtatishdi. Ushbu qaror shu yakshanba kuni «Borussiya» rahbariyati va sobiq sport direktori tomonidan bir ovozdan qabul qilindi.
«Ochiq muloqot davomida Sebastyan Kel, Karsten Kramer (ijrochi direktor) va men yoz fasli o‘zgarishlar uchun eng qulay vaqt degan yagona xulosaga keldik. Har ikki tomonga tayyorgarlik ko‘rish uchun vaqt berish maqsadida, Sebastyan bilan shartnomani zudlik bilan bekor qilishga kelishib oldik», — deya tushuntirish berdi klubning sport bo‘yicha boshqaruvchi direktori Lars Rikken.
«Kel 2018 yildan beri «Borussiya»da professional futbolchilar bo‘limini boshqarib kelayotgan edi, bu vaqt ichida klub 2021 yilda Germaniya Kubogini qo‘lga kiritdi. 2022 yil yozida dortmundliklarning sobiq yarim himoyachisi sport direktori lavozimini egalladi va uning davrida jamoa 2024 yilgi Chempionlar ligasi finaliga qadar yetib bordi», — deyiladi «Borussiya» rasmiy saytida.
