«Monako» safarda «Lion»ni mag‘lub etdi. Liga 1ning 27-turi doirasidagi bahs — 2:1 hisobida mehmonlar foydasiga hal bo‘ldi.
Uchrashuvning 42-daqiqasida mezbonlar yarim himoyachisi Pavel Shuls hisobni ochdi. 62-daqiqada monegasklar Magnes Akliushning goli evaziga muvozanatni tiklashdi. Oradan 10 daqiqa o‘tib, mehmonlar hujumchisi Folarin Balogun penaltini aniq amalga oshirib, jamoasini oldinga olib chiqdi.
O‘yin yakunida mezbonlar kamchilik bo‘lib qolishdi — 89-daqiqada Nikolas Talyafiko qizil kartochka olib, maydonni tark etdi.
«Monako» (46 ochko) ketma-ket oltinchi g‘alabasini qo‘lga kiritdi va Liga 1 turnir jadvalida beshinchi o‘ringa ko‘tarildi. «Lion» esa g‘alabasiz seriyasini beshta o‘yinga yetkazdi va 47 ochko bilan jadvalning to‘rtinchi pog‘onasida qoldi.
Fransiya Liga 1. 27-tur
22.03.2026 | 19:00
«Lyumyer», Lion
«LION» — «MONAKO» — 1:2
Gollar: Malte Shuls 42 (1:0), Manes Akliush 62 (1:1), Folarin Balogun 72-pen (1:2).
«Lion»: Greyf, Niakate, Talyafiko, Mata, Mangalya (Kango, 85), Tolisso, Moreyra (Tessmann, 85), Xatebur (Fofana, 85), Endrik, Mera (Narti, 68), Shuls.
«Monako»: Gradeski, Zakariya, Fas, Kerer, Kamara, Bamba (Kulibali, 46), Adingra (Mavissa, 74), Teze, Golovin (Fati, 63), Balogun (Biyeret, 85), Akliush (Diatta, 85).
Ogohlantirishlar: Golovin (40), Fas (53), Diatta (86).
Chetlatish: Talyafiko 89 («Lion»).
