«Tottenxem» o‘z muxlislarini yana bir bor ranjitdi. Yakshanba kuni Igor Tudor jamoasi o‘z maydonida «Nottingem Forest»ga 0:3 hisobida imkoniyatni boy berdi. Natijada «shporlar» Premyer-liga turnir jadvalida 17-o‘ringa tushib ketishdi.

Qizig‘i shundaki, Igor Tudor ushbu uchrashuvdan so‘ng jurnalistlar bilan muloqot qilishdan bosh tortdi. Xorvatiyalik mutaxassis o‘rniga matbuot anjumaniga uning yordamchisi tashrif buyurdi. Ommaviy axborot vositalari vakillariga Tudor «oilaviy sharoitga ko‘ra» kela olmagani aytildi.

Mish-mishlarga ko‘ra, terma jamoalar o‘yinlari munosabati bilan yuzaga keladigan tanaffus vaqtida Igor Tudor iste’foga chiqarilishi mumkin. Yangiliklarni kuzatishda davom etamiz.