«Barselona» bosh murabbiyi Xans-Diter Flik mavsumning hal qiluvchi pallasida jamoa yanada yaxshiroq o‘yin ko‘rsatishi kerakligini ta’kidladi.
«Biz keyingi ikki oy davomida o‘z o‘yinimizni va harakatlarimizni yaxshilashimiz shart. Maqsadlarimiz juda yuqori va ko‘lamli, shu sababli o‘sishga erishishimiz lozim», — deya Flikning so‘zlarini keltiradi Barça Universal.
Ispaniya La Ligasining 29-turida «Barselona» «Rayo Valyekano» ustidan g‘alaba qozondi. Uchrashuv 1:0 hisobida yakunlandi. Yagona gol muallifi Ronald Arauxo bo‘ldi.
«Barselona» Ispaniya chempionati turnir jadvalida 73 ochko bilan peshqadamlikni davom ettirmoqda. Navbatdagi turda kataloniyaliklar safarda Madridning «Atletiko» jamoasi bilan to‘qnash kelishadi.
