«Barselona» bosh murabbiyi Xans-Diter Flik qanot himoyachisi Joau Kanseluning o‘yiniga baho berdi.

Yakshanba kuni portugaliyalik futbolchi yana «ko‘k-anorranglilar»ning asosiy tarkibida maydonga tushdi va golli uzatmani amalga oshirib, «Rayo Valyekano» ustidan qozonilgan g‘alabaga (1:0) o‘z hissasini qo‘shdi.

«Men Joaudan juda mamnunman. U haqiqatan ham yaxshi o‘yin ko‘rsatdi. Unda jarohat yo‘q, ammo u qattiq charchagan. Uni almashtirish imkoniyati paydo bo‘lgunga qadar bor kuchi bilan harakat qilgani juda yoqimli», — deya Flikning so‘zlarini keltiradi Barca Universal.

31 yoshli lateral faqatgina 90-daqiqada maydonni tark etib, o‘z o‘rnini yosh Xavi Espartga bo‘shatib berdi. Eslatib o‘tamiz, Kanselu o‘tgan qishda «Al-Hilol»dan ijara asosida «Barselona»ga o‘tgan edi.