«Барселона» бош мураббийи Ханс-Дитер Флик қанот ҳимоячиси Жоау Канселунинг ўйинига баҳо берди.

Якшанба куни португалиялик футболчи яна «кўк-анорранглилар»нинг асосий таркибида майдонга тушди ва голли узатмани амалга ошириб, «Райо Вальекано» устидан қозонилган ғалабага (1:0) ўз ҳиссасини қўшди.

«Мен Жоаудан жуда мамнунман. У ҳақиқатан ҳам яхши ўйин кўрсатди. Унда жароҳат йўқ, аммо у қаттиқ чарчаган. Уни алмаштириш имконияти пайдо бўлгунга қадар бор кучи билан ҳаракат қилгани жуда ёқимли», — дея Фликнинг сўзларини келтиради Barca Universal.

31 ёшли латераль фақатгина 90-дақиқада майдонни тарк этиб, ўз ўрнини ёш Хави Эспартга бўшатиб берди. Эслатиб ўтамиз, Канселу ўтган қишда «Ал-Ҳилол»дан ижара асосида «Барселона»га ўтган эди.