«Fenerbaxche» hujumkor yarim himoyachisi Marko Asensio Ispaniyaga qaytishi mumkin. Jurnalist Ekrem Konurning xabar berishicha, 30 yoshli futbolchiga «Sevilya», «Vilyarreal» va Madridning «Atletiko» klublari da’vogarlik qilmoqda. Shuningdek, «Real Sosyedad» va «Betis» ham vaziyatni kuzatib bormoqda. Shunga qaramay, Turkiya klubi rahbariyati futbolchini sotishni rejalashtirmayapti.
Marko Asensio faoliyatining boshida «Malyorka»da to‘p surgan, o‘z faoliyatining eng yaxshi yillarini esa 2015 yildan 2023 yilgacha sharafini himoya qilgan Madridning «Real» klubida o‘tkazgan. Chempionlar Ligasining to‘rt karra g‘olibi bo‘lgan futbolchining «Fenerbaxche» bilan amaldagi shartnomasi 2028 yilgacha mo‘ljallangan. Transfermarkt portali uni 15 million yevroga baholamoqda.
