Madridning «Real» klubi yarim himoyachisi Jud Bellingem jamoa uchun Federiko Valverde va Vinisius Juniorning ahamiyati qanchalik yuqori ekanligini ta’kidladi.
Yakshanba kuni urugvaylik yarim himoyachi va braziliyalik hujumchi «Atletiko»ga qarshi kechgan derbi qahramonlariga aylanishdi: birinchisi bitta gol urgan bo‘lsa, ikkinchisi dubl qayd etdi.
«Fede va Vini qiyin daqiqalarda doim jamoani ruhlantirish yo‘lini topa olishadi. Ular jarohat olgan futbolchilarga ham dalda bo‘lishadi. Valverde — ishga jiddiy yondashishning ajoyib namunasi, Vinisius esa muvaffaqiyatsizlikdan so‘ng o‘zimizga kelishimiz kerak bo‘lgan paytlarda bizni doimiy ravishda ilhomlantiradi», — deya Bellingemning so‘zlarini keltiradi Madrid Xtra.
