Мадриднинг «Реал» клуби ярим ҳимоячиси Жуд Беллингем жамоа учун Федерико Вальверде ва Винисиус Жуниорнинг аҳамияти қанчалик юқори эканлигини таъкидлади.
Якшанба куни уругвайлик ярим ҳимоячи ва бразилиялик ҳужумчи «Атлетико»га қарши кечган дерби қаҳрамонларига айланишди: биринчиси битта гол урган бўлса, иккинчиси дубль қайд этди.
«Феде ва Вини қийин дақиқаларда доим жамоани руҳлантириш йўлини топа олишади. Улар жароҳат олган футболчиларга ҳам далда бўлишади. Вальверде — ишга жиддий ёндашишнинг ажойиб намунаси, Винисиус эса муваффақиятсизликдан сўнг ўзимизга келишимиз керак бўлган пайтларда бизни доимий равишда илҳомлантиради», — дея Беллингемнинг сўзларини келтиради Madrid Xtra.
